Hoggaaminta

Marwo Lisa Filipetto Kaaliyaha Xoghayaha Guud ahna Madaxa UNSOS Marwo Filipetto waxay booskaan keentay in ka badan 30 sano oo khibrad ah ee gudaha Waaxda Arimaha Dibada iyo Ganacsiga ee Australia halkaasoo ay kasoo shaqaysay xilal kala duwan oo xarunta dhexe ah oo ay ku jirto Kaaliyaha Xoghayaha, Midowga Yurub iyo Laanta Galbeedka Yurub (2015-2017) Kaaliyaha Xoghayaha, Laanta Adeegyada iyo Hantida aan la muuqan, Xafiiska Wadaxaajoodyada Ganacsiga (2002 - 2004) iyo Kaaliyaha Xoghayaha, Mainland Koonfur Bair Aasiya, iyo Laanta Koonfurta Aasiya (2001-2002). Marwo Filipetto sidoo kale waxay khibrad fog u leedahay arrimaha dibada, iyadoo soo noqotay Safiirada Australia u joogta Jamhuuriyadda Federaalka Dimuqraadiga ee Itoobiya, iyadoo si isku mid ah mas'uul uga ahayd xiriirka Australia la leedahay Midowga Afrika, Urur Goboleedka IGAD iyo Jabuuti (2010-2014). Waxayna sii ahayd Wakiilka Sare ee Australia ee Kenya iyo Danjiraha Barnaamijka Qaramada Midoobay ee Deegaanka (UNEP) iyo UN Habitat iyo sidoo kale Wakiilka aan daganayn ee dalalka Rwanda, Tanzania iyo Uganda iyo danjiraha Midowga Afrika, Burundi, Jabuuti iyo Eritrea (2007-2010). Waxay sidoo kale Safiir kasoo noqotay Cambodia (2004-2010), Qunsulka Guud maagaalada Ho Chi Minh, Vietnam (1997-2001), iyo sidoo kale Ireland (1991-1994) iyo Brunei Darussalam (1986-88). Marwo Filipetto waxa ay heerka labaad ee jaamacada ka qaadatay Xiriirka Caalamiga Jaamacadda Deakin ee dalka Australia, sidoo kale heerka koowaad ka diyaariyay Dhaqaalaha iyo mid kale oo heerka koowaad ah Diraasaadka Aasiya oo ay ka qaadatay Jaamacadda Qaranka ee Australia. Waxay sidoo kale ka qalin jabisay Machadka Australiya ee Maamulayaasha Shirkadaha.

Mr. Amadu Kamara Agaasimaha UNSOS ahna Agaasimaha Hawlgalka Taageerada UNSOM Mudane Kamara waa muwaadin Mareykan ah oo asal ahaan kasoo jeeda dalka Sierra Leonean. Wuxuu waxbarashada sare ku dhammeestay dalka Mareynaka, isagoo shahaadada heerka koowaad ka qaatay CIlmiga Siyaasada iyo Dhaqaalaha Jaamacadda Dawladda ee magaalada New York, iyadoo ay wehliso dirassada heerka labaad ee Dugsiga Cilmi Baarista Bulshada New York. Mudane Kamara ayaa ku biiray Waaxda Hawlgallada Nabad-Ilaalinta Qaramada Midoobay (DPKO) isagoo ahaa Sarkaalka soo Iibinta bishii Oktoobar sannadkii 1993. Inta uu xilkaas haayay wuxuu wuxuu kasoo shaqeeyay dhinacyo kala duwan oo ah taageerada hawlgallada nabad-ilaalinta, Xarunta dhexe ee QM iyo goobo hawlgallo labadaba. Kadib markuu ahaa Madaxa Taageerada Howlgalka QM ee Timor Leste, waxaa loo magacaabay Agaasimaha UNSOA bishii Abriil 2012, isla mar ahaantaana ahaa agaasimaha Taageerada Howlgalka ee UNSOM. Wuuu sidoo kale si ku meel gaar ah uga shaqeeyay mudadii u dhexeesay 2014 ilaa 2015 isagoo ahaa Maareeyaha Carqaladaha ee Hawlgalka QM ee Waxqabadka Ebola ee Degdegga ah ee gudaha dalka Sierra Leone. Mudane Kamara wuu sii wadayaa inuu ku shaqeeyo isagoo ah Agaasimaha UNSOS, iyo Agaasimaha Taageerada Hawlgalka ee UNSOM.