Muqdisho – In lagu dhax shaqeeyo jawiga ammaanka ee Soomaaliya ee khatarta badan leh oo leh kaabayaasha xaddidan ee qaybta duulista waa muhiim. Si kastaba ha ahaatee, UNSOS waxa ay ku guulaysatay in ay macaamiisheeda siiso taageerada saadka hawada si hufan, kharash-yar, iyo hawl-gal badbaado leh oo ka socda dalka Geeska Afrika, ayuu yidhi Dr. Silvanos Gwarinda, Madaxa UNSOS

Xarunta Isku-dhafka Hawada ee Muqdisho, Soomaaliya. Daad-gureynta caafimaad ee hawada, taageerada saadka, kala badalka ciidamada, duullimaadyada gaarka ah, iyo duullimaadyada maamulka waxay UNSOS u yahiin udub dhaxaadka shaqadooda.

 UNSOS waxay sii waddaa buuxinta ujeedooyinka Dowladda Federaalka Soomaaliya (DFS), Ciidamada Gaarka ah ee Soomaaliya (SSF), Hawlgalka Kaalmaynta Qaramada Midoobay ee Soomaaliya (UNSOM), Hawlgalka Ku-meel-gaarka ah ee Midowga Afrika ee Soomaaliya (ATMIS). , Kooxaha Qaramada Midoobay ee dalka, Wadamada Ciidamada ku deeqay (TCC's), Hay'adda Duulista Rayidka Caalamiga ah (ICAO), Midowga Afrika (AU) iyo saaxiibada kale ee UNSOS.

"Waxaan duulnaa qiyaastii 12,000 saacadood ilaa 14,000 saacadood sannadkii. Tani waxay ka dhigan tahay in ka badan 90 boqolkiiba saacadaha qandaraaska. Tani waa heerka isticmaalka diyaaradeed oo sarreeya. Waxa kale oo aanu duulinay ku dhawaad 50,000 oo rakaab ah sannadkii 2021 marka la barbar dhigo 2018, halkaas oo aanu qaadnay ilaa 125 rakaab ah,” ayuu yidhi Gwarinda, isaga oo tixraacaya tirakoobka sida celcelis hawleedka sannadlaha ah.

UNSOS waxa ay hubisaa in ay jirto hawl-gudbin dhexe oo baahsan si loo ilaaliyo ammaanka si firfircoon, hufan oo waxtar leh. "Waxaan la soconaa dhammaan duullimaadyadayada min asal ilaa meesha aan ku jeedno, annaga oo heleyno warbixinnada duulimaadkasta ku dhawaad 3dii daqiqaba mar. Waxaan awoodnaa inaan raacno astaanta duulimaadka mid kasta oo ka mid ah duullimaadyadeena 3dii daqiiqaba: go'aamino heerka duulimaadka, xawaaraha, jihada, iyo goobta dhabta ah ee ay ku suganyahiin. Yaynaan iloobin in aan haysano ATMIS iyo ciidamada xds meelkasta oo aan uduuleyno iyagoo sugaya amaanka goobaha. Taasi oo faa'iidooyin amni oo weyn u soo kordhinaysaa hawlgalladayada," ayuu raaciyay.

Dhanka duulista, UNSOS waxay tababartay ku dhawaad 200 oo ka mid ah shaqaalaha DFS, CXDS, iyo ATMIS dhinacyada amniga, daad gureynta hawada, tababarka hawlwadeennada, hawlgallada hawada, iyo samatabbixinta hawada iyo la dagaalanka dab iyagoo si ficil ah loo barey shaqada.